Dy persona janë përfshirë në një konflikt të dhunshëm në Gjirokastër.
Ngjarja është regjistruar në vendin e quajtur “Ish-Agjencia e Udhëtarëve”.
Sipas policisë, 39-vjeçari me iniciale E.B., ka goditur me grusht 68-vjeçarin Xh.H.
Si pasojë e goditjes, ky i fundit ka rënë në tokë dhe ka marrë dëmtime në kokë.
I plagosuri është transportuar menjëherë drejt spitalit të Traumës në Tiranë.
Policia ndërkohë është vënë në ndjekje të 39-vjeçarit, i cili është larguar menjëherë nga vendi i ngjarjes.
Informacion paraprak:
Në vendin e quajtur Ish Agjensia e Udhëtarëve Gjirokastër shtetasi E.B, 39 vjeç, banues në Tepelenë, pas një konflikti të çastit ka goditur me grusht shtetasin Xh.H., 68 vjeç, banues në Tepelenë, i cili është rrëzuar në tokë dhe dëmtuar në kokë.
Shtetasi Xh.H., u transportua në spitalin e Traumës Tiranë.
Shtetasi E.B., është larguar nga vendi i ngjarjes, ku menjëherë sherbimet e Policisë janë vënë në ndjekje të tij.
Nga bashkëpunimi midis Komisariatit të Policisë Gjirokastër dhe Komisariatit të Policisë Tepelenë është bërë e mundur kapja e këtij shtetasi, i cili po shoqërohet për në ambjentet e Komisariatit të Policisë Gjirokastër për të vijuar procedurat e mëtejshme.
