Ngjarjet e kronikës së zezë nuk kanë fund në 24 orët e fundit në vendin tonë, ndërsa sërish ka pasur të shtëna me armë. Dy persona kanë rënë në prangat e policisë në Durrës gjatë një operacioni në lagjen 13 Plazh, për të kapur një grup që merrej me shpërndarjen e lëndëve narkotike Kokainë. Të arrestuar janë Vilson Memini dhe Erges Shehi të cilët kanë precedent të theksuar criminal. Madje, në momentin që policia ka shkuar t’i arrestojë, ata kanë tentuar të largohen duke e kundërshtuar policinë. Për t’i ndaluar të largohen, një punonjës i policisë është detyruar të qëllojë në ajër me armën e zjarrit. Po ashtu, gjatë operacionit që është ende në vazhdim, janë sekuestruar deri tani rreth një kilogramë kokainë.
Njoftimi i policisë:
Informacion paraprak
Policia e Durrësit ishte në operacion në lagjen nr 13 Plazh për të kapur një grup që merrej me shpërndarjen e lëndëve narkotike Kokainë .
Gjatë operacionit dy persona me precedent të theksuar kriminal në fushën e narkotikeve kanë kundërshtuar me dhunë policinë dhe kanë tentuar të largohen ndërkohë që një prej punonjësve të policisë ka qëlluar në ajër për ti neutralizuar.
Policia ka prangosur dy persona , V.M., 29 vjeç dhe E.SH., 30 vjec dhe ka sekuestruar deri tani rreth një kilogramë kokainë.
Vijon operacioni
