Plani hetimor për shkarkimin e Metës, procesi pritet të monitorohet nga ekspertë të huaj

Google+ Pinterest LinkedIn Tumblr +

Ditën e sotme është miratuar plani paraprak për hetimin e presidentit Ilir Meta. Ky komision do të kontrollojë ligjshmërinë e akteve të Metës.

Presidenti Meta është vënë në shënjestër që para zgjedhjeve të 30 qershorit, ku dekretoi datën e zgjedhjeve, e ku më pas një ditë para zgjedhjeve dekretoi datën 13 tetor si datën e re për mbajtjen e zgjedhjeve.

Disa nga anëtarët e komisionit kërkuan që në këtë proces të marrin pjesë edhe ekspertë ndërkombëtarë. Plani paraprak i hetimit është miratuar nga komisioni.

Deputeti Adriatik Alimadhi tha se dekretin e Presidentit e mori në shqyrtim dhe vendosi KQZ.

“T’i vendosim gjërat saktësisht. Dekretin e Presidentit e mori në shqyrtim dhe vendosi KQZ. Përderisa ne i japim të drejtë Presidentit, mendoj se KQZ duhet të jetë pjesë e thirrjes. Kuptoni një gjë, akti i Presidentit dhe vendimi i KQZ do jetë debati më i forte”, u shpreh Alimadhi.

Kreu i Komisionit të Ligjeve, Ulsi Manja u shpreh se ky komision do të ketë një afat 3 mujor për të mbyllur punën në funksion të hetimit të përcaktuar nga Parlamenti. E nëse nuk mbyllet puna për tre muaj, ata do të kërkojnë zgjatje të afatit.

Ne shpresojmë që Gjykata Kushtetuese do të ngrihet shumë shpejt. Ne si komision kemi një afat që na e ka përcaktuar Kuvendi, kështu që sugjerimi juaj është me vlerë, por jemi të detyruar të respektojmë afatin. Baza e këtij komisioni është Kushtetuta”, tha Manja.

Shpërndaje
Share.

Komento