Një plagosje me armë zjarri ka ndodhur pasditen e sotme në qytetin e Korçës. Mësohet se ngjarja ka ndodhur në lagjen Nr.5 të qytetit jug-lindor rreth orës 17:50. Policia njofton se ngjarja ka ndodhur pas një konflikti për motive të dobëta. Personi i plagosur është shtetasi 45-vjeç me iniciale I.Q dhe banues në Korçë. dhe dyshohet se ka marrë një plumb në këmbë. Ai është dërguar në Spitalin e Korçës dhe mësohet se ndodhet jashtë rrezikut për jetën. Policia ka njoftuar se grupi hetimor ndodhet në vendin e ngjarjes dhe është duke mbledhur prova për të identifikuar dhe kapur autorin si dhe për te bërë të mundur zbardhjen e plotë të rrethanave të ngjarjes.
Njoftimi i plotë i policisë:
Korçë/Informacion paraprak
Më datë 02.03.2021, rreth orës 17:50, në lagjen nr. 5, Korçë, pas një konflikti për motive të dobëta, dyshohet se është dëmtuar në këmbë, si pasojë e përdorimit të armës së zjarrit, shtetasi I. Q., rreth 45 vjeç, banues në Korçë, i cili u dërgua në Spitalin e Korçës, ku ndodhet jashtë rrezikut për jetën.
Grupi hetimor vijon punën për sekuestrimin e çdo prove të mundshme që do çojë në identifikimin dhe kapjen e autorit, si dhe sqarimin e plotë të rrethanave të ngjarjes.
