Gjykata e Tiranës ka caktuar masën e sigurisë “Arrest me burg”, për autorët e plagosjes së çiftit në Allias.
Fatjon Mërtënika u la në qeli, Markeljan Cungu u dënua në mungesë, ndërsa Mario Toçi po hetohet në gjendje të lirë.
Pak javë më parë Cungu dhe Mërtënika, u futën të armatosur në banesën e çiftit Petrit dhe Afërdita Laze, për t’i grabitur.
Në përleshje e sipër me autorët, Petriti dhe Afërdita mbetën të plagosur, por fatmirësisht nuk patën pasoja për jetën.
Në momentin e grabitjes, në shtëpi ndodhej edhe vajza e tyre adoleshente.
Autorët ndërkohë janë persona me precedentë penale në të shkuar, në fushën e vjedhjes dhe narkotikëve.
Çifti nga Skrapari, ishin zhvendosur në Tiranë që prej vitit 1994 dhe kishin në zotërim dy furra buke.
