Ekspertja e Ekonomisë, Brisida Shehaj, ka reaguar me tone të ashpra pas denoncimit të gazetarit Osman Stafa për mungesën e medikamenteve të kimioterapisë në Spitalin Onkologjik.
Përmes një postimi në rrjetet sociale, Shehaj e cilësoi situatën si një krim të rëndë dhe akuzoi qeverinë se po i çon njerëzit drejt vdekjes.
“Që të kuptoni për çfarë flasim. Që t’i pini lëngun pasaportës europiane, me shpresën në Zot që s’do jemi në Sharrë a Tufinë. KY PO NA VRET O NJERËËËZ, po si u katandisëm kaq pa gjak si popull. Sëmundjet tumorale për shkak dhe të ndotjes e jo vetëm janë shtuar aq shumë sa të jeni të sigurt është një e keqe që në mos sot, nesër do përballemi,” shkruan ajo.
Shehaj thekson se ndotja mjedisore është një nga faktorët që ka çuar në shtimin e rasteve me sëmundje tumorale, ndërsa e cilëson 11 Majin si një mundësi për të ndëshkuar sistemin që, sipas saj, po “vret” qytetarët.
“11 Maji është votë për kundër sistemit kriminal që po na VRET”, përfundon ajo.
