Gjatë kohës që kryeministri Edi Rama mbante një fjalim për shqiptarët në Londër, në ambientet e tjera të ndërtesës shpërthyen përplasje të ashpra mes protestuesve dhe forcave të sigurisë.
Këta të fundit ndërhynë me forcë, duke nxjerrë qytetarët jashtë godinës.
Protestuesit pretendojnë se janë dhunuar nga një grup prej rreth 15 personash, të cilët përdorën edhe shkopinj gome.
Në pamjen e publikuar, shihet një protestues i shtrirë në tokë, ndërsa pranë tij ndodhen efektivë policie.
