Përplasje me armë! RENEA rrethon Talo Çelën, i dyshuar për grabitjen e Rinasit

Google+ Pinterest LinkedIn Tumblr +

Një operacion i gjerë është zhvilluar sot nga forcat RENEA të cilat kanë rrethuar zonën në afërsi të Burgut të Peqinit, për të neutralizuar Talo Çelën, i dyshuar si i përfshirë në grabitjen e Rinasit.

Abcnews.al mëson se gjatë aksionit ka pasur edhe të shtëna me armë zjarri. I shumëkërkuari është rrethuar në lagjen Teqe.

Deri më tani kanë dështuar 3 operacione për kapjen e Talo Çelës, i përfshirë në grabitjen e ndodhur në Rinas në prill të vitit të shkuar. Në korrik, RENEA ka kryer një operacion në qytetin e Elbasanit me qëllim arrestimin e Çelës, por operacioni për kapjen e tij dështoi.

Çela u akuzua se kishte ndihmuar në modifikimin e furgonit të pëdorur me mbishkrimin “Hetimi Tatimor”, për të futur lehtësisht në pistën e Rinasit, atje dhe ku ndodhi grabitja.

Kjo ngjarje e lidh Çelën pikërisht me vrasjen e dy vëllezërve Haxhia në Durrës. Klevis Alla, bashkëpunëtori i drejtësisë për zbardhjen e kësaj ngjarje ka treguar se Çela i kishte kërkuar një prej vëllezërve Haxhia se ku i kishte fshehur paratë e grabitura në 9 prill të vitit të shkuar.

/abcnews.al

Shpërndaje
Share.

Komento