Gjykata e Elbasanit ka lënë në burg Aldorin Shehu, personin që sfidoi policinë, duke mos iu bindur urdhërit për ndalim, nga Korça deri në Elbasan.
Shehu tentoi të çante një postbllok policie, duke plagosur 5 persona, mes tyre një efektiv dhe një drejtues autoshkolle.
Policia i kishte ngritur postobllok Shehut në aksin Librazhd-Elbasan, në Unazën Jugore.
I pandehuri nuk ndaloi dhe përplasi dy mjete të tjera, në tentativë për t’i ikur policisë.
Mësohet se 28-vjeçari kishte bërë të njëjtat veprime edhe në 2018-ën, duke mos iu bindur urdhërit të punonjësit të policisë për të ndaluar.
Ndërkohë prokurori Ritvan Sukaj ka kërkuar masën e sigurisë “Arrest me burg” pa afat.
Kjo masë sigurie është lënë në fuqi edhe nga gjyqtari Tomorr Kullolli.
Ndaj Shehut rëndojnë disa akuza, vrasje e mbetur në tentativë e punonjësit të policisë, mosbindje ndaj urdhërit të policisë, shkelje e rregullave të qarkullimit rrugor dhe përfshirje në aksident me pasojë plagosjen e disa shtetasve.
Njoftimi i policisë
ELBASAN
Gjykata e Elbasanit ka lënë në burg Aldorin Shehun i cili tre ditë më parë nuk i ndaloi disa patrullave të Policisë nga Korça në Elbasan duke plagosur pesë persona me automjet, ndër të cilët një polic rrugor.
Forcat Shqiponja , ato të Patrullave të Përgjithshme dhe të Qarkullimit Rrugor, në hyrje të qytetit Elbasan në aksin rrugor Librazhd -Elbasan, në Unazēn Jugore kishin ngritur një pikë kontrolli duke kontrolluar rrugën, por Shehu tentoi t’i largohet duke goditur makinën e policisë dhe dy mjete të tjera.
Ky drejtues mjeti edhe në vitin 2018 , ka kryer të njëtat veprime duke mos ju bindur urdhërit të punonëjsit të policisë për të ndaluar.
Prokurori Ritvan Sukaj ka kërkuar caktimin e masës ,arrest me burg pa afat .Të njëjtën masë ka lënë në fuqi edhe gjykatësi Tomorr Kullolli.Ndaj 28 vjeçarit Aldorin Shehu janë ngritur disa akuza,vrasje e mbetur në tentativë e punonjësit të policisë ,mosbindje ndaj urdhërit të policisë,shkelje e rregullave të qarkullimit dhe përfshirje në aksident me pasojë plagosjen e disa shtetasve.
Kështu u konfirmua në mbyllje të seancës se vlerësimit të arrestit dhe caktimit të masës se sigurisë pēr shtetasin Aldorin Shehu i cili në datë 04.02.2020, rreth orës 09:00 të kësaj dite ndërsa qarkullonte me automjetin tip Pasat i zi me targa Greke IEH 3922, i cili pasi nuk u kishte ndaluar shërbimeve të policisë Korçë dhe Pogradec duke u larguar me shpejtësi në drejtim të Elbasanit.Ky shtetas sapo ka parë policinë në hyrje të Librazhdit ka marrë përpara sinjalistikën e vendosur në rrugë sipas procedurës për pikë kontrolli dhe nuk i është bindur urdhërit të policisë për të ndaluar duke rrezikuar jetën e punonjësve të policisë dhe ka vijuar me shpejtësi të madhe në drejtim të Elbasanit. Shërbimet e Policisë së Librazhdit janë vënë në ndjekje të mjetit deri në Elbasan duke mbajtur komunikim me shërbimet policisë duke u kapur në hyrje të qytetit.
