Një njoftim i rëndësishëm vjen nga Drejtoria e Përgjithshme Detare, e cila ka thënë se dita e sotme dhe e nesërme do të shoqërohet me përkeqësim të motit, ndaj duhet të tregohet kujdes.
Ky institucion ka lëshuar një njoftim ku bën edhe apel që portet të marrin masat e duhura për të parandaluar çdo situatë të papritur.
Gjithashtu ka kërkuar bashkëpunimin e gjithë subjekteve që punojnë në këtë fushë që të marrin masat e duhura për sigurimin e mjeteve në port dhe gatishmërinë e ekuipazhit për çdo situatë.
Njoftim për përkeqësim të motit!
Në datën 22-23 Prill moti do të përkeqësohet. Bregdeti ynë do të përfshihet nga era me drejtim jug-lindje dhe forca e detit do të jetë 7 shkalla Boufort. Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmërisë së ekuipazhit në mjetet lundruese.
