Dosja më e fundit “Sky ECC”, e zbardhur nga prokuroria greke, ka zbuluar aktivitetin kriminal të Aleksandër Sadikajt, 27-vjeçarit që u vra në vitin 2022 në Sauk në një atentat me eksploziv.
Sipas hetimeve, bazuar në mesazhet e shkëmbyera në platformat “Sky ECC” dhe “Encrochat”, Sadikaj ka trafikuar 295 kg marijuanë në dy raste gjatë periudhës 30.05.2020 – 30.06.2020.
Droga që mbërrinte në Greqi pritej nga Viktorio Qytyku dhe Elson Hajredini.
Nga shitja e saj, dyshohen se janë fituar rreth 450.000 euro.
Nga dosja hetimore zbulohet gjithashtu se anëtarët e kësaj organizate, kur kuptuan se “Sky ECC” dhe “Encrochat” nuk ishin më të besueshme, në komunikime deklaronin se do të përdornin platforma të tjera të kriptuara si “ChatMail”, “Cipher” ose “Ciphr” dhe “CryptonX”.
