Prokuroria e Durrësit ka nisur punën për të vënë përpara drejtësisë, përgjegjësit njerëzorë për pasojat e tërmetit të 26 nëntorit.
Organi i akuzës ka sekuestruar dokumentet e lejeve të ndërtimit në Zyrën Urbanistike, për qindra pallate të ndërtuara në vitet e fundit.
Gjithashtu prokuroria ka sekuestruar dokumentet e legalizimeve të shtesave, shkruan “Shqiptarja.com”.
Dokumentet do të ballafaqohen me dëmet e shkaktuara nga tërmetet në objekte.
Ndërsa prokuroria e Tiranës, ka dhënë urdhër që të mos prishet asnjë objekt pa miratimin e saj.
Drejtuesja e prokurorisë, Elisabeta Imeraj, nëpërmjet një shkrese, ka kërkuar që polica dhe bashkia të dorëzojnë raportet brenda 5 dhejtorit.
Nga tërmeti i 26 nëntorit humbën jetën 51 persona, ndërsa u plagosën qindra të tjerë.
Mijëra njerëz që kanë mbetur pa shtëpi, po strehohen në çadra dhe hotele.
