Ndonëse formimi i koalicionit qeverisës mes VV dhe LDK, 3 muaj pas zgjedhjeve të 6 tetorit, u dukë se i dha zgjidhje krizës politike në Kosovë, në fakt ndodhi e kundërta, pasi kriza u thellua.
Indicia kryesore u bë ndërhyrja e Richard Grenell, i dërguari i posaçëm i Trump për marrëveshjen Kosovë-Serbi, i cili solli shumë përplasje në vend, teksa e gjitha kulmoi më 25 mars kur ‘qeveria Kurti’, ra pas 51 ditësh në pushtet, duke u bërë qeveria më jetëshkurtër.
Qeveria më ‘jetëshkurtër’/ Votohet mocioni i mosbesimit, bie qeveria e Albin Kurtit
Prej ditësh, presidenti Hashim Thaçi ka deklaruar se vendi nuk mund të shkojë në zgjedhje të parakohshme për shkak të situatës dhe se kryeministri i ri do zgjidhet me shumicë votash nga Parlamenti.
Ai i ka kërkuar disa herë Kurtit dhe VV që t’i dërgojnë emrin e kandidatit për kryeministër, por deri tani nuk ka marrë asnjë përgjigje kurse Kurti ka deklaruar se në momente të tjera do nxiste protesta kombëtare.
Ditën e sotme Thaçi ka zhvilluar një takim me liderët e partive politike në Kosovë, i cili nisi në orën 16:30 në Presidencë ndërsa u diskutua për hapat që do të merren në lidhje me krijimin e qeverisë së re.
Në fjalën e tij, Thaçi ka njoftuar partitë politike se hapat do t’i marrin sipas Kushtetutës dhe se ai do të mandatojë cilën parti apo koalicion që i dëshmon se se ka shumicën në Kuvend për krijimin e insistucioneve të reja.
“Do të marr hapa sipas kushtetutës së Kosovës. Të ndodhur në këtë situatë pas mocionit të votëbesimit. Ju ftoj që të konfirmoni a është në vullnetin e partive që i udhëheqni ë të kemi një qeveri të re apo të shpallen zgjedhjet. Presidenti nuk e shpërbën kuvendin, vetëm vullneti i partive politike i jep drejtim vendit. Do mandatoj, cilëndo parti apo koalicion që dëshmon se ka shumicën në Kuvend për krijimin e insistucioneve të reja”.
Më herët ditën e sotme kreu i LDK-së, Isa Mustafa ka takuar kreun e AAK-së, Ramush Haradinaj dhe mësohet se kanë diskutuar për koalicionin e ri.
