Erdhi tashmë dhe ora e gjykimi të ish-ministrit të Brendshëm, Saimir Tahiri. Prej tetë orësh tashmë ka qenë duke u zhvilluar seanca për gjykimin e tij dhe vetëm disa minuta më parë trupa gjykuese është tërhequr për të marrë vendimin
Tahiri është vendosur zyrtarisht si i pandehur, mirëpo kjo duket se nuk e tremb ish-ministrin, pasi në prononcimin që bëri në media ai duket i qetë dhe ka përmendur një shprehje e cila mësa duket ka marrë kryefjalën e fjalës së tij “më e rëndësishmja është duke ardhur”.
“Zgjati se kam përshtypjen të gjithë kishin gjëra për të thënë lidhur me atë që parashtruan prokurorët. Më shumë se afati 8 orë i zgjatjes së seancës sot, më vjen keq vetëm për ju që u detyruat të prisnit. Ajo që vjen para është më e rëndësishme se ajo që shkoi. Tani shkojmë në gjykim dhe ky është një shans për mua për të treguar atë që kam thënë gjithmonë. Nuk dua të merrem me llojin e seancës, me llojin e akuzës. Jam rezervuar të komentoj dhe nuk dua ta bëj dhe tani në respekt të një sistemi që kam kontribuuar dhe unë deri diku”, tha ish-ministri.
Mirëpo diçka kontraditore është në këtë mes, pasi ish-ministri ka kërkuar gjykim të shkurtuar në një kohë që ende nuk ka pranuar fajësinë. Por mesa duket edhe për këtë e ka një përgjigje. Sipas tij këtë e ka kërkuar me qëllimin e thjeshtë që gjykimi i tij mos të kthehet në një histori që do të zgjatej akoma më shumë dhe ende nuk mund të themi nëse kjo është diçka qe qëndron realisht apo jo.
“Prokuroria pretendon atë që pretendon, unë kam shumë më shumë për të pretenduar. Nuk do doja të zgjatej. Do ju kërkoja kujdes të saktësoni. Do vazhdoj të argumentoj atë që kam thënë që në fillim. Nuk kam pikën e lidhjes me këtë çështje”, u shpreh ai.
Pjesw nga pyetjet e drejtuara Tahirit jashtë Gjykatws
Ju flisni për sulme? Nga ju vijnë këto sulme?
Jepini kohë procesit. Ju do i dëgjoni të gjitha. Mos të nxitojmë për këtë gjë. Dyshoj shumë fort që ky është sistemi i drejtësisë për të cilën fola. Ta thashë që kjo është e gjitha një absurditet. Drejtësia është e bukur.
A bëri drejtësi gjyqtarja?
Nuk dua të komentoj vendimin se është konflikt interesi, për prokurorë dhe gjyqtarë që kanë menduar dhe kanë shkelur ligjin.
Koment për Kongresin?
Nuk kam asnjë koment është vendimi im për të mos bërë politikë.
Mirëpo si kemi ardhur deri këtu me çështjen Tahiri?
Tashmë që prej 28 shkurtit Prokuroria e Krimeve të Rënda ka mbyllur hetimin dhe ka çuar në gjykatë dosjen e ish-ministrit Saimir Tahiri me akuzën “Trafikim të lëndëve narkotike” në kuadër të grupit të strukturuar kriminal “Habilaj” dhe “Korrupsionit pasiv të funksionarëve të lartë shtetërorë”. Ditën e sotme Gjykata e Krimeve të Rënda në seancën e zhvilluar ka marrë vendimin që Tahirin ta trajtojë si të pandehur, duke hedhur poshtë kështu kërkesën e ish-ministrit për pushim të çështjes.
Tashmë jemi në pritje të marrjes së vendimit nga Gjykata e cila është duke vlerësuar akuzat për një sërë veprash penale.
