Pak ditë më parë kryeministri i Kosovës, Ramush Haradinaj dha dorëheqjen nga posti i tij, për arsye se ishte thirrur si i dyshuar nga Gjykata Speciale e Hagës, në lidhje me krimet e luftës.
Ditën e djeshme, ai u nis drejt Holandës, për t’u paraqitur sot në Hagë. Mësohet se ka mbaruar edhe marrja në pyetje e tij nga gjykata e Hagës.
Haradinaj ka folur për mediat dhe ka thënë se nuk mund të japë detaje për çfarë është pyetur.
Haradinaj ka deklaruar se ka zgjedhur të mbrohet në heshtje dhe se e ka kryer obligimin e tij ligjor si i dyshuar, por që s’mund të japë detaje se për çfarë e kanë pyetur.
“Zgjodha të mbrohen në heshtje. Kam kryer obligimin ligjor si i dyshuar. Nuk mund të jap detaje për çfarë u pyeta”, është shprehur Haradinaj, duke mos dhënë detaje të tjera.
Haradinaj pas dorëheqjes, porositi që taksa e vendosur ndaj Serbisë nga Qeveria e Kosovës nën drejtimin e tij, duhet të mbetet në fuqi.
