Presidenti serb, Aleksandër Vuçiç pritet të zhvillojë një vizitë gjatë fundjavës në Tiranë.
Lajmin e ka bërë publik edhe presidenca serbe, e cila njofton se Vuçiç do të qëndrojë në Shqipëri në datat 20 dhe 21 dhjetor.
Gjatë vizitës së tij në Tiranë, Vuçiç do të marrë pjesë në Samitin e vendeve të Ballkanit Perëndimor.
Kjo është hera e dytë që presidenti serb viziton Shqipërinë për 2019-ën, pas Samitit të Brdo-Brijunit, të organizuar nga Ilir Meta më 27 prill.
Vizita e Vuçiç konfirmohet vetëm 4 ditë pasi partitë kryesore në Kosovë, i kërkuan kryeministrit Edi Rama, që të anulojë takimin e radhës për të ashtuquajturin “Minishengeni Ballkanik”, që pritet të zhvillohet të shtunën në Durrës.
