Shkrimtari i njohur, Ismail Kadare ka qenë i ftuar në një intervistë për “La Stampa” ku nuk la pa përmendur edhe marrëveshjen mes dy kryeministrave Rama-Meloni. Ai u shpreh se kjo marrëveshje është një gjë e vogël, pasi sipas tij Italia dhe Shqipëria janë dy shtete të bashkuara.
Kadare tha se nuk i interesojnë protestat dhe lojërat e pushtetit që bëhen kur ka marëveshje të tilla mes dy shteteve.
“Këto janë gjëra të vogla që ndodhin mes qeverive, nuk më interesojnë ato protesta dhe lojëra pushteti. Siç thashë, Shqipëria dhe Italia janë tashmë të bashkuar: janë 500 mijë shqiptarë që jetojnë dhe punojnë në Itali, shumë italianë janë shpërngulur në Shqipëri, ka martesa të përziera, kompani të mëdha janë krijuar këtu, fëmijët tanë kanë baballarë italianë. Ku qëndron problemi? Një marrëveshje?”, u shpreh Kadare për “La Stampa”.
