Kreu i Partisë Demokratike, Lulzim Basha ka uruar ditën e sotme festën e Abaz Aliut, duke uruar kështu të gjithë besimtarët bektashinj. Me anë të një postimi në Twitter, Basha ka thënë se Mali i Tomorrit është burim i paqes, shpresës, harmonisë për të gjithë shqiptarët. “Mali i Tomorrit është burim paqeje, shprese harmonie për të gjithë shqiptarët.”, shkruan Basha në postimin e tij.
Ndër të tjera ai iu ka bërë thirrje autoriteteve që të lehtësojnë qarkullimin e automjeteve dhe të tregohen të vëmendshme për çdo emergjencë shëndetësore.
“Në ditën kulmore të pelegrinazhit të mijëra besimtarëve bektashinj në Malin e shenjtë të Tomorrit, uroj një marshim të mbarë, duke vlerësuar lart sakrificën e tyre për të forcuar besimin në Zot. Mali i Tomorrit është burim paqeje, shprese harmonie për të gjithë shqiptarët. I bëj thirrje autoriteteve të lehtësojnë qarkullimin e automjeteve dhe të jenë të vëmendshëm për çdo emergjencë shëndetësore.”, ka shkruar kreu i Partisë Demokratike, Lulzim Basha.
Kujtojmë se ditën e sotme rruga për t’u ngjitur dhe për të zbritur në malin e Tomorrit ishte e bllokuar nga trafiku për më shuëm se 6 orë. Autoritet Rrugore të Beratit iu kanë bërë thirrje qytetarëve që të tregohen të vëmendshem dhe të zbatojnë me përpikmëri udhëzimet e policisë.
