Drejtori i ri Blendi Gonxhe ka njoftuar një sërë reformash që janë ndërmarrë në Drejtorinë e Përgjithshme të Shërbimit të Transportit Rrugor. Fillimisht, u bë e ditur ndryshimet që janë bërë për testimin e lejes së drejtimit të automjeteve. Siç shihet edhe në foto, për të shmangur korrupsionin, gjithçka që do të ndodhë gjatë provimit teorik do të jetë e filmuar dhe e kompjuterizuar.
Në sallat e testimit Teorik për Leje Drejtimi në Drejtorinë Rajonale Kukës janë vendosur kamera që monitorojnë direkt nga DPSHTRR! Por si kjo sallë, sistemi është shtrirë në të 13 drejtoritë rajonale duke garantuar standard europiane e duke eliminuar përfundimisht fenomenin e bakshishit. Një nga nismat që pritet shumë shpejt të nisë nga zbatimi do të jetë dhe ajo e Targave të Provave që do të jenë me rregjistër të veçantë dhe në sistem.
Gjithashtu, për të garantuar standardin dhe për të rritur nivelin e sigurisë, nga dje ka nisur në gjithë vendit edhe kontrolli fizik fleksibël për flotat, mjetet e rënda, autobusët, automjetet në parqe të shitësave të autorizuar e biznese.
