Sikundër e morëm me mend disa ditë më parë, misioni i Richard Grenell në Ballkan ka përfunduar dhe ai e realizoi me sukses detyrën që i ishte caktuar.
Së fundmi, kryeministri i Kosovës, Albin Kurti në një deklaratë për mediat ka njoftuar se qeveria ka vendosur ta heqë përkohësisht taksën 100% të vendosur për mallrat e që importohen nga Serbia dhe Bosnia e Hercegovina.
Sipas Kurtit, ky vendim që do të vihet në zbatim duke filluar nga data 15 mars dhe pritet që Serbia të njohë pavarësinë e Kosovës.
Më tej, kryeministri i Kosovës tha kjo gjë do të zgjasë për një periudhë 90 ditore, deri më 15 qershor dhe nëse Serbia nuk reflekton, taksa do të rivendoset.
“Nga 15 mars të hiqet tarifa për lëndën e parë që importohet nga Serbia dhe Bosnia e Hercegovina. Kjo si shenjë për gatishmëri për marrëveshjen ekonomike tregtare me Serbinë. Ftojmë Serbinë që të zotohet që ta ndërpresë fushatën për çnjohjen e pavarësisë së Kosovës. Nëse pala serbe dëshmon përkushtim të mirëfilltë në këtë fushatë miqësore, atëherë duke filluar nga data 1 prill 2020, do ta heq krejtësisht tarifën për një periudhë 90 ditëshe. Nëse pala serbe nuk reflekton përsëri, atëherë qeveria e Kosovës me fillim nga data 15 qeshor do ta rikthejë tarifën përsëri. Reciprociteti i plotë tregtar instalohet pas 15 qeshorit,”– tha Kurti ndër të tjera.
Kurti pa ardhur në pushtet ishte zotuar se taksa nuk do hiqej nëse Serbia nuk e pranonte pavarësinë e shtetit të Kosovës.
Por, ai ndryshoi mendim rrugës, sigurisht kur pa se nuk kishte zgjedhje tjetër përballë presionit të SHBA.
Çfarë ndodhi përgjatë këtyre dy muajve me ardhjen e Grenell në Ballkan?
Fillimisht, SHBA u dukë se donte të arrinte një dakordim mes Kosovës dhe Serbisë, ku kjo e fundit do njihte Pavarësinë e Kosovës, ndërsa në shkëmbim do i hiqej taksa 100%.
Mirëpo, qëllimi i vërtetë u zbulua shumë shpejt.
Grenell takoi krerët e dy vendeve: Thaçi dhe Vuçiç, të cilët i njohu me marrëveshjen e mësipërme, gjë e cila u mirëprit nga Thaçi, por presidenti serb pati një reagim krejt të kundërt.
Disa javë më parë, SHBA kërkoi që Kosova të heqë taksën madje kërcënoi se do anulonte të gjitha projektet e investimeve në Kosovë, derisa qeveria të anulojë taksën kundër mallrave të Serbisë.
Çfarë po përpiqet të bëjë SHBA? Anulon investimet në Kosovë derisa të hiqet taksa ndaj Serbisë
I gjetur nën presion, Kurti u shpreh i gatshëm për ta hequr taksën pavarësisht nëse Beogradi zyrtar kërkon apo jo falje për genocidin në Kosovë, megjithatë ai nuk po merrte hapa konkretë.
Shumë e vendosura në qëllimin e saj , SHBA e rriti presionin ndaj qeverisë së Kosovës.
Ambasadori i SHBA-së, Philip Kosnett, disa ditë më parë i tha kryeministrit Kurti se SHBA po shqyrton edhe mundësinë e heqjes së trupave të saj nga Kosova, nëse nuk hiqet taksa ndaj Serbisë.
Heqja e taksës për Serbinë. Presioni i SHBA ndaj Kosovës arrin kulmin, ja me çfarë e ‘kërcënon’
Dje , mediat në Kosovë raportuan se Richard Grenell ka thënë se “nuk do presë pafundësisht qeverinë e Kosovës dhe Albin Kurtin për të hequr tarifën 100% ndaj mallrave serbe” dhe “nëse tarifa nuk hiqet deri në fund të kësaj jave, atëherë gjërat mund të përshkallëzohen”.
Kështu, ky vendim i Kurtit pritej.
Në media u parashikua se në fundjavë, i dërguari i Trump të shqyrtojë çështjen e tarifave dhe nëse nuk arrin dot një marrëveshje me Kurtin, ai pritet që të ndërmarrë hapa që do të largonin SHBA nga kjo çështje, duke e konsideruar Albin Kurtin si “joserioz për partner të Ëashingtonit”, çka do bëj që administrate amerikane të ndërmarrë politika të reja përballë Kosovës në të gjitha fushat ku ka patur bashkëpunim deri tani.
“Nëse Kosova nuk heq taksën ndaj Serbisë deri në fundjavë, gjërat do përshkallëzohen”
Tarifa ndaj mallrave serbe u vendos nga qeveria e Ramush Haradinajt, i cili pas zgjedhjes së Kurtit si kryeministër i ri i Kosovës i shkroi atij një letër ku i lutej të mos e hiqte taksën.
