Kreu i PD Lulzim Basha, ka zhvilluar një takim online me zyrtarë të lartë të BE, me të cilët ka diskutuar për mbështetjen e dhënë ndaj vendit tonë.
Në këtë komunikim Basha u ndal edhe te deklaratat e Ramës ndaj BE-së, duke thënë se ai ka dështuar pasi e ka futur sipas tij vendin në krizën më të thellë, krahasuar me vendet e rajonit.
“Sapo kam patur një komunikim me disa drejtues të BE-së, me komisionerin Olivér Várhely, David McAllister, Kryetar i Komisionit për Punë të Jashtme në Parlamentin Evropian, drejtues të tjerë të lartë të BE-së, ku kanë folur për ndihmën e jashtëzakonshme që BE i ka ofruar Shqipërisë dhe ndihmën në shëndetësi në të ardhmen. Prej dështimit të Ramës, Shqipëria është sot në krizën më të thellë krahasuar me vendet e rajonit”, tha Basha.
Ndër akuzat e tij ishin se Rama ka rritur taksat.
“97% e shqiptarëve paguajnë sot më shumë taksa se më parë. 40% e të ardhurave të bizneseve shkon për taksat Kjo është arsyeja pse Shqipëria është sot vendi me krizën më të thellë ekonomike. Tirja i qeverisë që u ka marrë paratë familjeve shqiptarëve, se paguajnë më shumë taksa, biznesit shqiptar, që ia ka dhënë një grushti klientësh të vet. S’mund të fshihet dhe as të fshehë dështimin e tij. Është koha për ndryshim. Për ta larguar këtë kryeministër shkaktar të kësaj krize. Ditët e kësaj qeverie janë të numëruara. Çdokush e di se Rama ka dështuar, por e nesërmja do të sjellë ndryshim të vërtetë për shqiptarët”, tha Basha.
Ky komunikim i Bashës me zyrtarë të BE-së vjen në një kohë kur ka pasur debate lidhur me vaksinat. /Gazetareforma.com/
