Së fundmi është bërë një ndryshim në listën e futbollistëve kuqezi, për ndeshjet kualifikuese të Euro 2024.
Departamenti i Komunikimit në FSHF në faqen e tij zyrtare në Facebook ka lajmëruar se Arlind Ajeti nuk do të jetë i gatshëm për këto dy sfida për shkak të një dëmtimi të pësuar gjatë ndeshjes së fundit në kampionatin rumun me Cluj.
Ajeti mësohet se iu ka nënshtruar kontrolleve mjekësore, ku iu vërejt një dëmtim në kofshën e majtë. Sipas mjekëve ai ka nevojë për disa ditë pushim para se të nisë rikuperimin.
Për të zëvendësuar Ajetin, trajnieri Sylvinho ka vendosur të thërrasë për këto dy ndeshje mbrojtësin Jon Mersinaj.
