Autori i dyshuar i vrasjes, së regjistruar mbrëmjen e të hënës në zonën e Astirit në kryeqytet, është vetëdorëzuar në polici.
Noel Dishi u vetëdorëzua, pas bashkëpunimit të babait të tij me policinë.
Pasi ka mbërritur në polici mësohen fjalët e para që ai ka thënë.
Sipas burimeve paraprake, 29-vjeçari ka mohuar të ketë lidhje me krimin.
“Skam lidhje me vrasjen, nuk e di pse më ngatërroni në këtë histori”, ka thënë Disha.
Noel Disha përdorte edhe dy emra të tjerë: Noel Kolaveri dhe Miklovan Prifti.
Dyshohet se shkak për vrasjen mumd të jetë bërë një trekëndësh dashurie.
Megjithatë, nuk përjashtohen edhe pistat e pazareve të drogës.
Viktima dhe autori ishin shokë, madje kishin udhëtuar disa herë së bashku.
Vilson Tafçiu kishte qenë i arrestuar në mars të 2018-ës në Francë për trafik droge, ku kishte qëndruar për 8 muaj.
Ai ishte deportuar në vendin tonë në nëntor të vitit të kaluar.
Tafçiu qëndronte në Dibër, por kishte ardhur në Tiranë për varrimin e gjyshes së tij.
