Bombarduesit strategjikë B-2 të SHBA-së janë rikthyer në tokën amerikane të dielën, më 22 qershor, pas një operacioni të gjerë ajror gjatë natës kundër objekteve bërthamore nëntokësore iraniane.
Sipas Pentagonit, operacioni i koduar “Midnight Hammer” është ndër më të mëdhenjtë e këtij lloji të realizuar ndonjëherë me B-2, avionët e famshëm për aftësinë e tyre për të shmangur radarët.
Në këtë ndërhyrje u përfshinë mbi 125 avionë ushtarakë amerikanë, duke e bërë atë një nga veprimet më të mëdha ajrore të viteve të fundit dhe një pikë kthese në përshkallëzimin e konfliktit SHBA-Iran.
Shtëpia e Bardhë publikoi pamje ku shfaqet një prej bombarduesve B-2 duke fluturuar mbi një bazë ajrore amerikane, pak çaste para uljes, një demonstrim i fuqisë ajrore që vjen në një moment tensioni ekstrem në Lindjen e Mesme.
