Pas dy orësh e gjysmë përfundon protesta kundër prishjes së Teatrit Kombëtar.
Tubimi i radhës është vendosur për t’u mbledhur sërish të mërkurën, në orën 17:30, pasi nesër nuk do të mbahet asnjë protestë sepse besimtarët myslimanë do të festojnë Natën e Kadrit, një natë e shenjtë për ta.
Çfarë ndodhi në protestë?
Gjatë orëve të para të mëngjesit të djeshëm u shemb godina e Teatrit Kombëtar, ku pati përplasje të njëpasnjëshme gjatë ditës mes Policisë dhe protestuesëve. Në Polici janë shoqëruar dhjetëra aktivistë, aktorë e figura të opozitës, teksa kjo e fundit ka paralajmëruar për aksion opozitar.
Në 16:30 nisi protesta mbarëkombëtare e thirrur nga Alenca për Mbrojtjen e Teatrit ndërsa Policia gjatë gjithë ditës së sotme është përgatitur dhe ka blinduar me efektivë të gjithë zonën, ku do zhvillohet protesta. Lleshaj paradite zhvilloi një takim me drejtuesit e Policisë ku ka dhënë urdhër që të jenë mbi 1000 efektivë në protestë.
Tashmë kanë nisur incidentet tek Ministria e Brendshme, aty ku po zhvillohet një protesta, pasi disa protestuesë u qëlluan me njëri-tjetrit dhe në këtë moment, disa metra larg tyre, ndodhej edhe kreu i Partisë Demokratike, Lulzim Basha.
Pas shpinës së tij, protestuesit nuk i kursyen grushtat, teksa sipas Dosja.al sherri ka ndodhur mes aktivistëve të Lëvizjes Vetëvendosje në Tiranë dhe militantëve të Partisë Demokratike, pasi VV ka kundërshtuar praninë e Bashës në protestë.
Është dashur thirrja e regjisorit Robert Budina, i cili iu ka bërë thirrje protestuesve të shmangin incidentet dhe të qëndrojnë sa më të bashkuar. “Mos provokoni“,-tha Budina.
Foto nga vendngjarja
Sakaq, ditën e sotme ish-kryeministri Sali Berisha ka shkuar në protestën, teksa është fotografuar mes turmës, me një maskë të vendosur.
I rrethuar nga simpatizantët, të gjithë me dy gishtat lart kanë mbështetur ish-kryeministrin, i cili mungoi ditën e djeshme.
“O doktor hajde dhe njëherë të marrsha të ligat,”-i thotë një prej të pranishmëve.
Sali Berisha në protestë
Sakaq, mes protestuesve është vënë re edhe prania e ish-moderatores së emisionint “Njerëz të Humbur”, Aida Shtino, e cila me një video-live në Instagram tregoi se ishte në mbështetje të protestuesve.
Foto nga live i Shtinos
Aktori Neritan Liçaj është ngjitur në podium ku ka mbajtur fjalën e tij, duke u shprehur se shpresa nuk vdes dhe se ajo e ka mbajtur dy vite tek Teatri.
Më tej, aktori u shpreh se ka fëmijë dhe për të ardhmen e fëmijëve duhet të luftojmë, t’i themi Shqipërisë që ne e duam shumë.
Në turmën e protestuesve, pasi janë hedhur kapsolla dhe janë dëgjuar dy shpërthime.
Më pas mbi turmë është ngritur një re tymi, teksa nga podium po flasin me radhë artistë dhe qytetarë, teksa dy persona u plagosën.
Po ashtu, grupimit i Tirana Fanatics u përplas me grupin e PD, por ishte ndërhyrja e regjisorit Edmond Budina që solli qetësimin e situatës.
Nga ana tjetër,
kryetarja e LSI-së, Monika Kryemadhi ka filluar aksionin brenda protestës, pasi është fotografuar teksa i është afruar avokatit Artan Manushaqja dhe i ka folur për disa çaste në vesh.
Më pas, Kryemadhi shkoi tek regjisori Edmond Budina, dhe bëri të njëjtin gjest.
Pak më pas është parë kryedemokrati Lulzim Basha, i cili ka bërë të njëjtin gjest edhe me regjisorin tjetër, Robert Budinën.
