Një video e transmetuar nga televizioni amerikan Abc7, i cili tregon një grua duke marrë ndihmë nga një grup fëmijësh, ka ngjallur një debat të madh në rrjetet sociale.
Shumë ndjekës po ngrejnë pyetje nëse gruaja që shfaqet në video është këngëtarja e njohur shqiptare Parashqevi Simaku.
Videoja është shpërndarë me shpejtësi në rrjetet sociale, ndërsa gruaja identifikohet si ‘Simaku Nolfe’ dhe shihet duke marrë pjesë në një iniciativë vullnetare ku dhurohen çanta shpine me ndihma për nënat dhe fëmijët në nevojë.
Shumë përdorues të rrjeteve sociale po thonë se gruaja është vetë këngëtarja legjendare, edhe pse ajo ka qëndruar jashtë syrit të publikut për dekada.
Parashqevi Simaku, këngëtarja e famshme nga Kavaja që elektrizoi Shqipërinë gjatë viteve ’80, është një emër që mbetet i paharruar për artdashësit.
Megjithatë, ajo emigroi jashtë vendit dhe ka jetuar larg syrit të publikut.
