Paralajmërojnë aktin ekstrem, përkeqësohet situata e grevistëve të Poçemit: Do hipi në majë të kullës të vetëflijohem

Google+ Pinterest LinkedIn Tumblr +

Punëtorët e nënstacionit të Poçemit kanë hyrë në ditën e 15-të të grevës së urisë.

Ata shprehen, se u është premtuar se do të paguhen, por deri më sot nuk kanë marrë asnjë lek.

Ndërsa shëndeti i tyre përkeqësohet, punëtorët shohin si rrugë të vetme vetëflijimin.

“Ne rrugën ekstreme e zgjodhëm grevën. E shohim që shteti nuk po vë ujin në zjarr. Na dhanë shpresa dhe kolegët ikën me shpresa, por deri më sot s’ka asnjë zgjidhe. Nuk dimë kush nga gënjen, na mashtron shteti apo firma. Ka vajtur të vetëflijohemi se nuk shoh ndonjë reagim tjetër. Po me këtë lloj forme, e shohim që nuk po interesohet. Do hipi në majë të kullës të vetëflijohemi që të paktën t’u japin pension fëmijëve. Shtetit u jemi drejtuar, bëmë takim, po s’na dhanë zgjidhje”, tha njëri prej tyre.

 Një tjetër punëtor tha se shteti nuk po e vë ujin në zjarr, ndërsa shton se të gjithë do ta lënë punën.

“Shteti që ne kemi punuar për ta, nuk e ka vënë ujin në zjarr. Nuk dimë se ku jemi, presim vetëm të vdesin. Do ta lëmë të gjithë punën dhe do ikim, le të vijë të punojë shteti”, tha punëtori.

Kujtojmë këtu se ditën e sotme naftëtarët e Ballshit kanë ndërprerë grevën e urisë për shkak se morën tre paga.

Megjithatë ata do të mblidhen sërish nesër për të diskutuar me pronarët e kompanisë.

Shpërndaje
Share.

Komento