Papa Françesku është shtruar në spitalin e Gemelli në Romës për të marrë trajtim për bronkitin dhe për t’iu nënshtruar disa testeve mjekësore të nevojshme.
Sipas Associated Press, Ati i Shenjtë u diagnostikua me bronkit që të enjten e kaluar, por ka vijuar të mbajë meshat, ndonëse me vështirësi.
Gjatë meshës së fundit, Papa ia dorëzoi fjalimin një ndihmësi që ta lexonte me zë të lartë, duke shpjeguar se kishte vështirësi në frymëmarrje.
Papa Françesku, të cilit në rini i është hequr një pjesë e mushkërisë, ka pasur prej kohësh probleme me shëndetin, sidomos gjatë dimrit kur shpesh përballet me bronkit akut.
Gjendja e tij shëndetësore është përkeqësuar së fundmi, duke u shfaqur me ënjtje, një efekt i mundshëm anësor nga trajtimi me medikamente për infeksionin e mushkërive.
Ai përdor një karrige me rrota ose shkop për të lëvizur dhe ka pësuar dy rrëzime, duke lënduar krahun dhe mjekrën.
Kjo nuk është hera e parë që Papa shtronhet në këtë spital. Në qershor 2023, ai iu nënshtrua një operacioni për të hequr indin e mbresë nga zorra dhe për të riparuar një hernie.
Disa muaj më parë, ai kaloi tre ditë në spital për trajtim me antibiotikë intravenoz për një infeksion të frymëmarrjes.
