Dy persona me motoçikletë kanë sulmuar me granatë Konsullatën e Rusisë në Athinë.
Ngjarja ka ndodhur në orët e para të mëngjesit të së premtes në rrugën Xhavela 5 në Halandri, por fatmirësisht nuk raportohet për asnjë të lënduar.
Policia antiterroriste dhe e shpërthimeve speciale ndodhet në zonë për investigime të mëtejshme.
Ky është sulmi i dytë me granatë kundër njësive diplomatike në Athinë, në nëntor 2016 në ambasadën franceze mbeti roja i plagosur.
Ndërsa në shkurt 2018 terroristë hodhën granatë në policinë e lagjes “Kesariani”.
