Hekuran Billa, 40 vjeç është personi i cili mbeti viktimë mbrëmjen e djeshme në një atentat të kryer në Tiranë.
Policia ka gjetur të paktën 15 gëzhoja në vendin ku u ekzekutua mbrëmë në mënyrë mafioze 40 vjeçari Hekuran Billa.
Ky i fundit u ekzekutua me armë zjarri teksa ishte në timon, në makinën e tij tip BMW X6.
11 prej plumbave të lëshuara nga arma e përdorur prej atentatorëve kanë qëlluar makinën dhe trupin e tij duke mos i lënë asnjë shans për t’i mbijetuar atentatit.
Autorët e kanë gjurmuar viktimën dhe e kanë pritur atë sa të ngrihet nga lokali.
Më pas kanë qëlluar drejt tij me breshëri plumbash.
Ndërkohë, arma MP5 automatike e përdorur në krim është e ngjashme me ato që perdor garda dhe është çuar në laborator.
Kjo armë nuk rezulton e regjistruar ne Shqipëri.
Po ashtu edhe mjeti Benz me portobagazh nuk rezulton i regjistruar.
Targat e përdorura AA829 kanë qenë të vjedhura në Lezhë një vit më parë nga një mjet RENAULT.
Billa, me origjinë nga Kukësi banonte në Domje të Tiranës.
Është mësuar se Billa ishte pronar i disa bizneseve.
Në njërin prej këtyre bizneseve tregtonte edhe makina me qera.
NË QKB, ai rezulton pronar i ‘Car Rent Albania’, prej të cilit kishte marrë edhe nofkën, “kuksiani i makinave me qira”.
Ai ishte person me precedentë penalë dhe të shkuar të errët kriminale.
Kujtojmë që Billa njihej si vrasësi i një 22 vjeçari, bashkëkombas i tij në Angli në vitin 2006.
Ai ishte dënuar me burgim të përjetshëm në Britaninë e Madhë dhe ishte në kërkim nga autoritetet.
Në Britani njihej me emrin Herland Bilali.
Së fundmi janë publikuar pamjet kur viktima nxirret nga makina luksoze.
Trupi i pajetë nxirret nga ekspertët mjekësorë, për t’u dërguar në morg.
Kujdes! Pamjet janë të rënda.
