Deputeti i Partisë Demokratike, Edi Paloka, ka akuzuar kreun e SPAK, Altin Dumanin, për përdorimin e eufemizmave si “krim intelektual” për të mbuluar korrupsionin e hapur në skandalin e inceneratorëve të Tiranës. Në një debat të nxehtë në Kuvend, Paloka ka bërë 4 pyetje të rrepta drejtuar Dumanit, duke kërkuar hetime transparente dhe përgjegjësi nga të akuzuarit.
Pyetjet e Palokës:
- Përse Erion Veliaj paguan sot 29 milionë euro për depozitimin e mbetjeve në Tiranë, ndërsa para se të merrte në dorë këtë çështje paguheshin vetëm 11 euro?
- A janë hetuar arsyet e kalimit të kontratës të mbetjeve nga ndërmarrja publike e Sharrës në një firmë të lidhur me Erion Veliaj, dhe a ka të bëjë ky akt me korrupsion?
- Si është e mundur që një kompani e vetme, me Zoton në krye, të fitojë kontratë 15 milionë eurove për heqjen e mbetjeve nga ‘Portoromano’ pa asnjë procedurë zyrtare?
- Ku janë gratat lumore në Shkumbin dhe Ishëm për të cilat Klodian Zoto ka marrë mbi 2 milionë euro, dhe pse askush nuk i ka parë?
Përgjigja e Dumanit:
Dumani ka shpjeguar se ka përdorur termin “krim intelektual” për të evidentuar vështirësitë në hetimin e këtyre rasteve të korrupsionit, të cilat janë të njohura edhe si “krime të jakës së bardhë” në kriminologji. Sipas tij, ky term nuk ishte drejtuar vetëm për hetimet e inceneratorëve, por në përgjithësi për dosjet me karakteristika të tilla.
