Pallati i dëmtuar nga tërmeti në Durrës, banorët kallëzim në SPAK për Vangjush Dakon, kryebashkiaken Sako dhe firmën e ndërtimit

Google+ Pinterest LinkedIn Tumblr +

Banorët e pallatit nr.8 të shkatërruar nga tërmeti i 26 nëntorit,  pranë lagjes numër 5 në Durrës, kanë depozituar në Strukturën e Posaçme Anti-Korrupsion (SPAK), një kallëzim penal për ish-kryebashkiakun Vangjush Dako, kryetaren aktuale Emiriana Sako, Sekretarin e KKRT Adhurim Qehajaj dhe firmën Ndergjoni SHPK.

Banorët pretendojnë se pallati ku ata banojnë është dëmtuar shumë nga tërmeti i i 26 nëntorit dhe është klasifikuar i banueshëm ne nivelin e dëmit DS2.

Ndërkohë nga ana tjetër ekspertët e Institutit të Ndërtimit e kanë vlerësuar animin e pallatit nga ekspertët në nivelin 51 centimetër, ndërsa ekspertët privat e kanë klasifikuar mbi 60 centimetër.

Të irrituar banorët kanë akuzuar Bashkinë e Durrësit, Prokurorinë e Rrethit Gjyqësor të Durrësit, si dhe Institutin e Ndërtimit për fshehje të dëmit real të pallatit.

Ndërkohë avokati përfaqësues i banorëve të dëmtuar, Baftjar Rusi, ka kërkuar shembjen e pallatit pasi është i pariparueshëm dhe rrezikon jetën e tyre.

Shpërndaje
Share.

Komento