Për të përballuar pasojat ekonomike të shkaktuara nga COVID-19, qeveria ka miratuar dy paketa ekonomike, që përfshijnë biznesin dhe qytetarët.
Mirëpo jashtë këtyre paketave kanë mbetur ato familje, të cilat për shkak të pikëzimit kanë mbetur jashtë ndihmës ekonomike.
Ministri për Rindërtimin dhe për menaxhimin e situatës së krijuar nga COVID-19, Arben Ahmetaj, tha nga foltorja e Kuvendit, se qeveria do të ndihmojë edhe kët familje.
Ahmetaj bëri me dije se do të ketë një paketë shtesë financiare, ku do të përfitojnë 22 mijë familje në nevojë.
“Sot kryeministri ka vendosur që të avancoi paketën me një shtesë për familjet në nevojë të cilat kanë dalë për arsye të pikëzimit nga viti i kaluar nga mbështetja e asistencës sociale. Dhe janë gati 22 mijë familje në nevojë që përfitojnë”, u shpreh ministri.
