10 ekspertë të Organizatës Botërore të Shëndetëtsisë kanë mbërritur dje në Uhan të Kinës për të nisur kështu për herë të parë hetimet e thelluara mbi orgjinën e Covid-19.
Në fokus të hetimeve do të jenë mënyrat sesi ky virus u përhap në të gjithë botën, format e transmetimit dhe të gjitha dyshimet që qarkullojnë nga kafshët apo gjitarët deri tek njeriu.
Pjesë e grupit të hetuesve janë shkencëtarë nga Amerika, Australia, Gjermania, Britania, Rudia, Japonia, Holanda, katari dhe Vietnami.
Fillimisht ekpertët do të qëndrojnë në karantinë për gati dy javë dhe në total do të jenë 1 muaj në Uhan, deri në qartësimin e plotë të shkaqeve të coronavirusit.
Deri më tani ekzistojnë disa teori për origjinën e pandemisë. Shumë shtete mbështesin idenë se fillimisht virusi u shfaq te lakuriqët e natës dhe më pas me anë të një gjitari tjetër u trasmetua deri tek njerëzit.
Nga ana tjetër Kina, e cila njihet dhe si vendi ku u identifikuan rastet e para, beson një tjetër teori. Sipas tyre shpërthimi mund të ketë nisur me inporte të kalbura prodhimesh deti, pretendim i kundërshtuar ndërkombëtarisht.
Kujtojmë se rastet e para me virus u konstatuan në dhejtor të vitit 2019. Kina për një vit është mundur të shtyjë hetimet, duke krijuar kështu një vonesë në gjetjen e shkaktarëve dhe qartësimin e situatës që ka lënë të izoluar gjithë rruzullin tokësor me dëmë të shumta sociale, psikologjike dhe ekonomike.
