Kryetarja e Lëvizjes Socialiste për Integrim Monika Kryemadhi,e ka nisur ditën e shtunë me një video të takimit të saj me gratë dhe vajzat në qytetin e Fierit. Në videon e publikuar nga Kryemadhi vihet re një numër i madh njerzish të mbledhur, në kundërshtim me rregullat e vendosura nga Komiteti Teknik i Ekspertëve, për pandemin globale COVID-19.
Puthje përqafime, tek tuk persona pa maska, janë pamjet që të ofron videoja e publikuar nga kryetarja e Lëvizjes Socialiste për Integrim Monika Kryemadhi. Pamje shqetësuese për situatën që ndodhet vendi ku numri i personave që kanë ndërruar jetë nga COVID-19 mbetet i lartë, po ashtu edhe rastet e infektimeve.Të njëjtën papërgjegjshmëri e kemi parë edhe nga kreu demokrat Lulzim Basha. A po ndjek Kryemadhi shembullin e tij? Sa të mira ju sjell një papërgjegjshmëri e till qytetarëve?
Ndërkohë nëpërmjet postimeve në rrjetet sociale Kryemadhi nuk kujdeset për mesazhin sensibiizues, por i fton qytetarët që në 25 prill të votojnë LSI-në. Ndër të tjera ajo shkruan se “LSI është forcë e parë në Fier prej forcës së guximit të vajzave dhe grave që i janë bashkuar misionit #SHQIPËRIAshtëpiaJUAJ”.
Kryemadhi ka zhvilluar një takim me gratë dhe vajzat e qytetit të Fierit, dhe rrugët e këtij qyteti kanë qenë të tejmbushura, nga ato të cilat kishin ardhur së bashku me fëmijët e tyre për të marrë pjesë në këtë miting elektoral. Të njëjtën gjë fatkeqësisht e kemi parë edhe në mitingjet e zhvilluara nga Basha. A po e kopjon kryetarja e LSI-së, Bashën?
https://www.facebook.com/KryemadhiMonika/videos/274614300883877
