Parlamenti Europian ka nderuar ditën e sotme, opozitën demokrate bjelloruse me Çmimin Sakharov për Liri të Mendimit.
Ishte vetë presidenti i PE, David Sassoli që njoftoi këtë çmim duke thënë se është nder të njoftoj se gratë dhe burrat e opozitës demokratike të Bjellorusisë janë laureatët e Çmimit Sakharov për vitin 2020.
Ceremonia e ndarjes së këtij çmimi do të mbahet më 16 dhjetor në Parlamentin Evropian, edhe pse ende është e paqartë nëse do të mbahet në ndërtesën e PE-së, për shkak të pandemisë së koronavirusit.
Çmimi Sakharov do të ndahet për një sërë figurash të opozitës, përfshirë Svyatlana Tsikhanouskaya, Maryya Kalesnikava, Veranika Tsapkala, Volha Kavalkova and Syarhey Dyleuski, laureatin e Çmimit Nobel Svetlana Alexievich, për burrin e Tsikhanouskayas që është i burgosur, Syarhey Tsikhanouski. Çmimi po ashtu do t’i ndahet edhe themeluesit të kanalit NEXTA në Telegram, Stsyapan Putsila, për Ales Byalyatski nga organizata për të drejtat e njeriut, Vyasna si dhe të burgosurit politik Mikalay Statkevich, i cili ishte kandidat për president më 2010.
Ndërkohë kujtojmë se në Bjellorusi po zhvillohen protesta të shumta që prej 9 gushtit, pas zgjedhjeve presidenciale ku Aleksander Lukashenko u vetëshpall fitues. Shtetet e Bashkuara dhe Bashkimi Evropian kanë refuzuar që të pranojnë fitoren e Lukashenkës.
Në këto protesta, mbi 10 mijë persona janë raportuar se janë arrestuar, disa të vdekur dhe qindra të lënduar.
