FUSHË KRUJË
Sot në mëngjes, dhjetëra forca të policisë kanë zbarkuar në zonën e Fushë-Krujës, në një operacion të madh blic.
Dyshohet se policia po zhvillon një operacion blic në zonë, për të kontrolluar parcelat me kanabis, që mund të jenë mbjellë në këtë zonë.
Në këtë operacion, po marrin pjesë ndër të tjera edhe forca të policisë së Durrësit.
Policia e Shtetit ka kryer operacione anti-kanabis edhe në zona të tjera të Republikës, kryesisht në Gjirokastër, Tepelenë, Dibër dhe Kukës.
Gjatë këtyre aksioneve, janë arrestuar dhjetarë të dyshuar për kultivim të kanabisit, si dhe janë djegur parcela të tëra me hashash.
Mbjellja e lëndës narkotike, anekënd vendit, nga veriu në jug, ishte kthyer në një problem të madh për Policinë e Shtetit.
Megjithëse, ministri i Brendshëm Sandër Lleshaj deklaroi se është pastruar gjithë territori nga kanabisi, duket se ka sërish probleme me mbjelljen e hashashit.
Ende nuk dihet nëse në aksionin e sotëm policor të beftë në Fushë Krujë do të kemi të arrestuar apo shoqëruar, si dhe a do të ketë rezultate në zbulimin e ndonjë parcele të mbjellë me lëndë narkotike.
