Drejtoresha e një kompanie kamerash sigurie dhe një punonjës, janë dënuar me burg, pasi publikuan pamjet nga morgu, të kufomës së futbollistit, Emiliano Sala, i cili humbi jetën në aksidentin tragjik me avion.
Sherry Bray 49-vjeçe u dënua me 14 muaj, ndërsa punonjësi 62-vjeçar, Christopher Ashford me 5 muaj burg.
Të dy këto persona janë përgjegjës për publikimin e pamjeve të autopsisë së kryer mbi argjentinasin, shkruan “The Telegraph”.
Trupi i tij u gjet më 6 shkurt dhe iu nënshtrua ekzaminimeve një ditë më vonë në morgun e Bournemouth.
Pamjet u përhapën me shpejtësi në rrjet, ndërsa u panë edhe nga familjarët e futbollistit.
Motra e tij, Romina Sala, u shokua nga pamjet, duke i quajtur të ligë dhe të këqinj, ata që i bënë publike.
“Nuk mund ta besoj se ka njerëz kaq të këqinj dhe të ligë, që mund të bëjnë këto gjëra. Unë nuk do të mund t’i fshij kurrë ato imazhe nga mendja. Vëllai dhe mamaja ime nuk mund ta harrojnë kurrë këtë. Është e vështorë për mua të jetoj me ato imazhe në kokë”, u shpreh motra e futbollistit.
Emiliano Sala humbi jetën gjatë në aksidenti me avion, kur po shkonte të firmonte me ekipin e tij të ri, Cardiff.
