Nuk respektoi rregullat anti-covid, mbyllet restoranti i “Salt Bae” në Boston

Google+ Pinterest LinkedIn Tumblr +

Vetëm pak ditë pasi hapi restorantin e tij më të ri në Boston, Nusret Gokçe shefi më i famshëm i kuzhinës, duket se është përfshirë në disa telashe.

Mësohet se restoranti i tij në SHBA është mbyllur për shkak të mosrespektimit të rregullave kryesore të koronavirusit.

Pas një kontrolli u vi re se punonjësit e tij nuk mbanin maska në restorant dhe se nuk ishte respektuar distanca fizike mes klientëve. Por Nusret nuk kishte shkelur vetëm rrregullat e Covid-19, por edhe ato të zjarrit e të shëndetit. Restoranti ishte hapur pa leje shëndetësore dhe nuk kishte prova të një menaxheri për sigurinë e ushqimit.

Kujtojmë se shefi turk është bërë shumë i njohur në rrjet në vitin  2017-të, kur një video e tij duke prerë e kriposur mishin në mënyrë shumë të veçantë u bë virale në rrjetet sociale. Imazhet e tij u ndanë me shpejtësi dhe Nusret u kthye menjëherë në meme.

Në restorantet e tij të cilat janë të shtrira në të gjithë botën vijnë me mijëra njerëz të cilët janë të apasionuar pas shefit të kuzhinës dhe lëvizjes së tij të famshme me kripë.

Shpërndaje
Share.

Komento