Nuk ndalen gafat e deputetes/ Pas fjalimit skandaloz në Parlament, lë nam edhe me postimin në Facebook

Google+ Pinterest LinkedIn Tumblr +

Ditën e djeshme, deputetja demokrate, Majlinda Haliliaj gjatë fjalës së saj në Parlament, pati vështirësi në shqiptimin e disa termave, duke bërë shumë gabime.

Ndër fjalët që ajo shqiptoi gabim ishin, “trasfermimi”, “korpërata”, “ujsjedhje”, apo “zhvidhim”.

Fjalimi i saj u bë menjëherë viral dhe u përhap me shpejtësi në rrjet.

Ditën e sotme deputetja nëpërmjet një postimi në rrjetet sociale është shfajësuar për gabimet.

Ajo ja ka vënë fajin problemeve shëndetësore me syrin.

Më tej deputetja shton se çdo kush mund të bëjë gabime.

“Gabimet janë për njerzit çdo kush gabon nuk është perfekt …por çdo gabim ka një arsyje…nuk gjykohet njëri nga gabimet por nga mendimet që ka…sot për arsyje shëndetsore të problemit me syri nuk isha e qart për qytetarët”, shkruan Halilaj.

Mirëpo deputetja mesa duket nuk ka vetëm problem në të lexuar por edhe në të shkruar.

Në reagimin e saj vihen re disa gabime të theksuara gramatikore.

Ndër to janë fjala “çdokush” që e ka shkruar të ndarë, si dhe fjala “arsyje”.

Ndërsa harron të vendosë “ë” në fund të disa fjalëve, deputetja nuk i ka mirë punët as me shenjat e pikësimit, të cilat ka harruar t’i përdorë.

Urojmë që deputetes që t’i rregullohet shpejt shikimi dhe të shohë ku duhen vendosur presjet, pikat dhe “ë”-të.

Gjithashtu bën mirë që të shfletojë edhe librin e rregullave gramatikore të gjuhës shqipe.

 

Shpërndaje
Share.

Komento