Taluant Balla ka reaguar pasi u shpalllën emrat e rinj të kabinetit qeveritar dhe ai nuk u zgjodh në asnjë post minitror. Ai nuk e quajti pozicion të parëndësishëm drejtimin e grupit të shumicës parlamentare në mandatit të tretë, post që do të vijojë ta mbajë. Balla falenderoi edhe votuesit e tij në qarkune e Elbasanit dhe nuk harroi pa përmendur patronazhistët, për të cilët tha se bënë një punë të shkëlqyer.
“Nuk e mendoj që të jesh kryetar i grupit parlamentar të shumicës parlamentare në mandatin e tretë të mos jesh në pozicion të rëndësishëm, të drejtosh qarkun e dytë ku buron pushteti i socialistëve.
Meqenëse jam deputet i qarkut të Elbasanit ku gjej rastin të falenderoj ata 90 mijë votues që si asnjëherë më parë dhe në mënyrë historike, PS ka pasur afro 70 mijë vota në Elbasan, kësaj radhe rritëm më të madhe në vend. Dua ti falenderoj një për një, çdo votues e votuese, edhe ata që nuk na votuan por që mendoj se koha do të tregojë se vota për PS është për të mirën dhe të ardhmen europiane, anëtarësinë e PS në Elbasan, patronazhistët të cilët bënë punë të shkëlqyer sepse ne kemi arritur dhe ditur të ngremë një strukturë e makineri elektorale shumë efikase, arritje historike për fitoren e mandatit të tretë”, deklaroi Balla.
Më tej ai shtoi se PS ka një organizim shumë të mirë, edhe pse e mira s’ka fund. Balla tha se detyra e kryetarit të grupit parlamentar të PS do të ketë shumë përgjegjësi, e dyta pas kryeministrit për administrimin e besimit nga qytetarët
“Dhe unë nuk e fsheh, duke qenë se kam pasur prirjen të shoh organizimin e partive të tjera në europë, PS e Shqipërisë është shumë mirë e organizuar, e mira s’ka fund. Sa më shumë përmirësim.
Kryetari i shumicës parlamentare në një Parlament që do të ketë shumë përgjegjësi, është përgjegjësia e dytë pas kryeministrit për administrimin e besimit nga qytetarët”, tha ai.
Balla u shpreh se nuk është i mërzitur me Ramën dhe se kjo do të ndodhte vetëm nëse qarku i Elbasanit nuk do të merrte investimet e nevojshme për të kthyer borxhin që PS i ka për mandatin e tretë.
“Vështirë ta besoj dikush se nuk jam mërzitur me Ramën? Do të mërzitem me Ramën nëse qarku i Elbasanit nuk do të marrë investimet e nevojshme dhe të domosdoshme për të kthyer borxhin që i ka PS për mandatin e tretë. deputetëve në komisione edhe detyrat. Gjatë rrugës mund të ketë edhe ndryshime, përmirësime, por e rëndësishme është që PS do të fitojë zgjedhjet e vitit 2023 dhe zgjedhjet e përgjithshme të vitit 2025”, ka thënë Balla.
