“Nuk më lejohet të sëmurem”, a e ka kryer testin e COVID-19 ministrja Manastirliu

Google+ Pinterest LinkedIn Tumblr +

Tashmë ka shkuar në 176 numri i të prekurve nga koronavirusi, teksa vetëm dje janë shënuar 28 raste të reja nga 103 testime, rritja më e madhe që nga fillimi i epidemies në vendin tonë.

Hartës së qyteteve të prekura tashmë i është shtuar edhe Tropoja, ku janë shënuar 2 raste, ndërsa në Spitalin Infektiv janë shtruar 73 persona, tre prej të cilëve në terapi intensive, ku dy prej tyre janë intubuar.

Në mesin e të prekurve janë edhe 4 fëmijë, gjendja e të cilëve është e stabilizuar.

Shpërndarja gjeografike e rasteve pozitive, është si vijon:
– Tiranë 102 raste
– Durrës 10 raste
– Lushnje 4 raste
– Elbasan 5 raste
– Rrogozhinë 2 raste
– Fier 18 raste
– Kavajë 4 raste
– Korçë 11 raste
– Vlorë 5 raste
– Shkoder 5 raste
– Lezhë 4 raste
– Berat 1 raste
– Has 2 raste
– Krujë 1 raste
-Tropojë 2 raste

Mes të prekurve janë edhe 10 mjekë dhe kreu i Urgjencës Kombëtare Skënder Brataj, i cili prej pak ditësh ndodhet në vetizolim pasi rezultoi pozitiv me koronavirus, teksa ka dyshime se mund të jenë infektuar edhe persona pjesë të Task-Forcës, apo Ministrisë së Shëndetësisë.

Në lidhje direkte me “Ilva Now”, ministrja e Shëndetësisë, Ogerta Manastirliu, tha se nuk e kishte kryer testin, duke thënë se deri më tani nuk ka asnjë simptomë, por shtoi se nëse do kishte shenja dhe simptoma patjetër që do e kishte berë.

E më pas me nota humori tha se asaj nul i lejohet të sëmuret, nisur nga detyea që ka.

 “Unë personalisht ndjek udhëzimet e mjekëve, nëse do të kishte shenja dhe simptoma patjetër që do ta kisha bërë, por nuk kam asnjë simptomë. Mua nuk më lejohet të sëmurem”.- tha ministrja.

 

Shpërndaje
Share.

Komento