Mjekja shqiptare tregon si e mposhti koronavirusin: Ende nuk ndjej asnjë lloj arome, u infektova nga kolegët

Google+ Pinterest LinkedIn Tumblr +

Mes bluzave të bardha të infektuara nga COVID-19 në Itali është edhe një mjekje shqiptare e quajtur Blerta Resuli, e cila së fundmi realizuar një lidhje me Skype për emisionin ‘Opinion’.

Rezuli tha se fillimisht kishte vetëm dhimbje koke dhe hundët e zëna, më pas humbi të shijuarin dhe nuhatjen, teksa shtoi se mund ta ketë marrë virusin nga kolegët e saj, shumë prej të cilëve ishin të infektuar.

“Shumë kolegë janë të infektuar. Unë u diagnostikova më datë 11 mars. Kisha pak shqetësime por duke qenë se shumë prej kolegëve ishin të infektuar, e bëra dhe unë testin. Unë jam onkologe. Besoj se e kam marrë nga kolegët, por nuk e përjashton mundësinë që mund të jem infektuar dhe nga ndonjë klient. Fillimisht kisha vetëm dhimbje koke dhe hundët e zëna. Më pas humba shijen dhe nuhatjen. Ende nuk ndjej asnjë lloj arome. Për mua ishte lehtësisht i përballueshëm. Por nuk është realish një grip i thjeshtë. Simptomat janë më të forta, por për grup moshën time është më e përballueshme. Edhe kolegët e mi kishin pak a shumë të njëjtat simptoma, por njëri është në gjendje të keqe. Lodhja e trupit ka qenë shumë e fortë për të gjithë. Ende s’e kam marrë përgjgjen, por besoj do dal mirë,”– tha ajo.

Italia vijon të mbetet vendi i parë në botë me numrin më të lartë të viktimave dhe të infektuarve, ku sipas raportimeve të fundit të paktën 37 mjekë kanë humbur jetën, ndërsa më shumë se 6, 000 persona nga stafi mjekësor janë të infektuar.

Deri tani në total janë shënuar 8,165 vdekje, ndërsa numri i përgjithshëm i personave të infektuar është 80, 539, sakaq 10,361 persona janë shëruar.

Shpërndaje
Share.

Komento