Nënkryetari i Lëvizjes Socialiste për Integrim ka thënë se nuk ka pasur ndonjë komunikim special mes tyre dhe Lulzim Bashës, edhe më parë. Në një intervistë për Fax News, Vasili tha se si PD, ashtu edhe LSI kanë për detyrë të bëjnë opozitë në parlament, ndërsa uroi që demokratët ta bëjnë këtë gjë deri në fund.
“Edhe më parë nuk kemi arsye për të pasur ndonjë komunikim special me Lulzim Bashën. Në parlament ne jemi forcë opozitare dhe si e tillë duhet ta bëjmë këtë punë më së miri. Ne duhet të bëjmë opozitë pa asnjë rast të kundërt për ata që shqiptarët na kanë votuar, këtë detyrim ka edhe PD për ta bërë. LSI do ta bëjë deri në fund uroj që edhe PD ta bëjë”, tha Vasili.
Më tej Vasili deklaroi se PD ka më shumë mundësi për të denoncuar masakrën e 25 prillit, ndërsa shtoi se nuk e ka pasur asnjëherë atë temp që duhet të kishte.
“Për mua krye çështjes është 25 prilli, pasi çdo e keqe thelbësore lind nga vota që prodhon pushtet kriminal. LSI ka bërë shumë dhe nuk ka lënë asnjë ditë të vetme pa denoncuar , por të them të vërtetën kam pritur më shumë që të bënte për këtë çështje. PD ka më shumë mundësi për të denoncuar për masakrën e 25 prillit. Masakra që të formësohet në opinionin publik duhet argumentuar nga opozita që institucionet ndërkomëbtare të vendosen në lëvizje. PD nuk ka pasur atë temp që duhet të kishte si opinion tim personal”, ka thënë deputeti i LSI.
