Pas skandalit ku u publikuan rrogat e shqiptarëve për muajin janar, në ‘qarkullim’ doli edhe lista e pagave për muajin prill. Lista është në të njëjtat parametra atë të parën, e eksportuar në programin “Exel”. Ajo përmban të dhëna mjaft personale si numri ID, Nipt-i i biznesit, emër mbiemër dhe paga.
Por ky skandal nuk përfundon këtu, pasi bëhet me dije se në rrjet po bëjnë ‘xhiro’ edhe numrat e telefonave.
Ndërkohë kryeministri Edi Rama në një deklaratë për mediat tha se të dhënat kanë rrjedhur nga individë të brendshëm dhe nuk kemi të bëjmë me një sulm kibernetik. Lista me pagat e muajit prill të këtij viti përmbante 60 mijë emra më shumë se lista e parë,
Pas skandalit Edi Rama u shpreh se si kjo ngjarje ndodh kudo edhe në vendet e tjera të botës, teksa apeloi që autoritetet të hetojnë menjëherë rastin. Sipas Ramës, e gjitha databaza me të dhënat, ka qenë e publikuar në Tik-Tok, para shumë muajsh, por nuk është përdorur, ndërsa po sipas kryeministrit, skandali ‘plasi’ pikërisht dje.
Kujtojmë se vetëm një ditë pasi u publikuan në WhatsApp pagat e shqiptarëve për muajin janar të vitit 2021. Pas shpërndarjes së listës prej 630 mijë emrave të qytetarëve të punësuar në sektorin privat dhe publik, çdo shqiptari i lind e drejta ligjore të denoncojë organin shtetëror përgjegjës për publikimin e të dhënave të tij personale.
