Nuk kanë fund skandalet e qeverisë!
Pasi u nënshkrua marrëveshja për dhënien me koncesion të Parkut Kombëtar të Butrintit, tashmë në fshehtësi jepet edhe edhe kompleksi I Pallatit të Brigadave.
Ndërkohë është publikuar plani i restaurimit të Pallatit të Brigadave ku qeveria mësohet se ka vendosur të menaxhojë Ansamblin Historik të Pallatit të Brigadave përmes një partneriteti të quajtur PMI (Plan Menaxhimi i Integruar).
Sipas kontratës theksohet se partneritet do të zgjasë 20 vite. Por sipas ligjit “Për trashëgimin kulturore dhe Muzetë” kontrata e rijetëzimi lidhet për një kohëzgjatje deri në 20 vjet, ka të drejtë rinovimi edhe për 20 vite të tjera. Në total shkon 40 vjet.
Por, vendimi i qeverisë i referohet ligjit 27/2018 “Për trashëgimin kulturore dhe Muzetë” ku në pikën 5 të saj thuhet: Kontrata e rijetëzimi lidhet për një kohëzgjatje deri në 20 vjet, me të drejtë rinovimi vetëm një herë, nëse subjekti ka përmbushur me korrektësi të gjitha detyrimet kontraktuese, në bazë të raportit të Inspektoratit Kombëtar të Trashëgimisë Kulturore. Një gjë e tillë nënkupton që fondacioni, i cili e ka marrë me koncesion restaurimin e Pallatit Presidencial dhe që mbahet sekret, ka të drejtë rinovimi edhe për 20 vite të tjera, çka do të thotë për 40 vite.
Kujtojmë që Parku i Butrintit është “kurbani” i keqmenaxhimit të pasurive të vendit nga qeveria shqiptare.
