“Nuk i trembem askujt”, prokurori Ndoja flet për herë të parë pas atentatit

Google+ Pinterest LinkedIn Tumblr +

Prokurori Arjan Ndoja ka folur për herë të parë nga spitali, për atentatin që iu bë 5 ditë më parë në mbikalimin e Shkozetit në Durrës.

Në një rrëfim për ‘News24’, nga reparti i Ortopedisë në spitalin e Durrësit, Ndoja thotë se nuk i trembet askujt.

Më tej ai ka shtuar, se do t’ja lë në dorë organeve të drejtësisë, zbardhjen e kësaj çështjeje.

Prokurori shprehet, se atentati i është bërë për shkak të detyrës, ndërsa shton se mediat kanë trilluar shumë rreth kësaj ngjarjeje.

“Ua kam lënë në dorë organeve të drejtësisë ta zbardhin ngjarjen. Unë nuk i trembem askujt, pasi nuk i kam borxhe askujt. Mediat kanë trilluar shumë histori për mua. Kam investuar 20 vite në punën time. Do flas në një moment tjetër për të gjithe ngjarjen, e cila ka ndodhur për shkak të Arjanit prokuror”, shprehet Ndoja.

Kujtojmë këtu se 5 ditë më parë, makina ku ndodhej Ndoja, së bashku me Aleksandër Lahon, i cili njihet si “i forti” i Sukthit dhe shoferin Andi Maloku, u qëllua me breshëri automatiku.

Deri më tani policia ka arrestuar vetëm një të dyshuar për ngjarjen, i cili është Redjan Rraja, kushëriri i deputetit socialist.

Gjithashtu janë shoqëruar me dhjetëra persona, që mund të kenë dijeni për ngjarjen.

Shpërndaje
Share.

Komento