Dosja “Toyota Yaris”, ndryshon masa e sigurisë për të arrestuarit

Google+ Pinterest LinkedIn Tumblr +

Gjykata e Krimeve të Rënda ka ndryshuar masën e sigurisë pët katër të arrestuarit e çështjes “Toyota Yaris”.

Për shkak se kanë kaluar afatet e paraburgimit, trupa gjykuese vendosi të lërë të dyshuarit në “Arrest shtëpie”.

Të arrestuarit për 3.4 milion eurot e sekuestruara në Durrës janë Edi Lika, Klevi Lika, shoferi Agim Çekaj dhe biznesmeni Alban Mollaymeri.

Hetimi ndaj tyre u mbyll nga Krimet e Rënda në shtator të këtij viti.

Likës, djalit të tij dhe Mollaymerit iu komunikua akuza e “Pastrimit të parave”.

Ndërkohë Agim Çekaj akuzohet vetëm për armëmbajtje pa leje.

Me arsyetimin se hetimet për këtë çështje ishin të mangëta, Gjykata e Krimeve të Rënda e riktheu sërish dosjen në Prokurori.

Në lidhje me këtë çështje është marrë në pyetje edhe kreu i PD, Lulzim Basha.

Shpërndaje
Share.

Komento