Kryeministri Edi Rama ka ashpërsuar tonet gjatë prezantimit të planit kundër KÇK. (Kap ça të kapësh)
Shefi i qeverisë është ndaluar tek struktura e re operacionale në policinë e shtetit, e cila do të luftojë krimin e organizuar.
Sipas kryeministrit, kriminelët pas masave të marra, nuk do të dalin dot nga qytetet.
Ndër të tjera ai shtoi se pasuritë do të sekuestrohet nëse provohet që rrjedhin nga aktiviteti kriminal dhe poseduesit do të kthehen në burg.
Kreu i qeverisë tha gjithashtu se krimi nuk do të dalë më dot nga skuta.
Fjala e Ramës
Në vitin 2017 ngritëm task-forcën Forca e Ligjit. Kjo duhet të ishte një strukturë që ka si objekt grupet kriminale. Tashmë është OPL-ja ajo që do të jetë pjesë e strukturës së Policisë së Shtetit. Një strukturë operacionale që operon dhe që ka për funksion sekuestrimin preventive të të gjithë aseteve të krimit të organizuar.
Kjo është OPL-ja, që është krijuar më shumë se gjashtë muaj më parë, janë trajnuar për këtë gjë.
Do bëjmë që kriminelët pas masave të marra, te mos dalin më nga Fushë Kruja, Vlora apo nga Shkodra, deri tek pajisja me çdo leje apo çdo legalizim. Sekuestrimi preventiv i pasurisë do të thotë që shtëpia, makina apo biznesnsi nuk mund të shitet dhe nuk mund të kryehet asnjë lloj veprimi me të.
Këto janë një barrë prove dhe personi del para gjykatës ku deklaron burimin e këtyre të ardhurave. Në të kundërt sekeustrohen përfundimisht. Kujt do t’i provohet që pasurinë e ka produkt të krimit do të rikthehet në burg. Mos harroni që antimafia e italianëve merr edhe pasuritë e të vdekurve. Çdo pasuri e lënë pas nga mafiozët që kanë vdekur nuk shitet dhe as nuk trashëgohet. Për këtë ligj kemi luftuar jashtë mase dhe unë dua të falenderoj ministritë përkatëse, ekspertët e huaj, antimafia italiane, ekspertët izraelitë.
Do bëjmë që krimi të mos dalë nga skutat e tyre, të mos dalin në bllok me Lamborghini, me pistoleta në plazh. Apo të shfaqen nëpërmjet një pensionisti të shkretë që ka vetëm emrin aty.
Të hënën do të vijojmë sërish. Na duhet vend. Do të happen të gjitha që nga skrapet e vitit 1997, t’i heqim të gjitha ato. Dhe do të ngremë edhe një njësi speciale antikorrupsion në mënyrë që askush të mos e përdorë mandatin dhe zyrën për sulme personale. Kjo njësi do të jetë njësoj si OPL-ja, në terren. Inspektorët e Guarda Di Finanzia dhe amerikanët do të jenë pjesë e saj.
