Një person është gjetur i mbytur në liqenin e Banjës në Gramsh.
Sipas policisë viktima është V.K., 40 vjeç, banues në Zamsh të Gramshit.
Zjarrfikëset dhe forcat RENEA, po punojnë për nxjerrjen e trupit.
Mësohet se policia u nis drejt vendngjarjes, pas një telefonate në sallën operative.
Grupi hetimor ka nisur punën për zbardhjen e rrethanave të ngjarjes.
Gramsh/ Informacion paraprak
Në Sallën Operative të Komisariatit të Policisë Gramsh ka ardhur një telefonat se një shtetas është mbytur aksidentalisht në Liqenin e Banjës, Gramsh.
Me marrjen e njoftimit, menjëherë shërbimet e Policisë dhe Zjarrfikses kanē shkuar në vendin e ngjarjes në bashkëpunim dhe me forcat speciale RENEA po punohet për nxjerrjen e trupit.
Nga veprimet e para rezulton se shtetasi i mbytur quhet V.K., 40 vjeç, banues në fshatin Zamsh, Gramsh.
